خالد دياب: نصف الوسط الفني رفض «برشامة» قبل أن يغير هشام ماجد المعادلة
أشاد المخرج خالد دياب بالنجاح الكبير الذى حققه فيلم «برشامة» بطولة الفنان هشام ماجد، وعدد كبير من نجوم الفن، مؤكدًا امتنانه لتجربة العمل معه، ومشيرًا إلى أن التزامه وروحه التعاونية كانا من أهم أسباب تميز التجربة الفنية بينهما.
وقال خالد دياب، فى منشور عبر حسابه الرسمى على موقع التواصل الاجتماعى «فيس بوك»:« »أستاذ هشام ماجد أشكرك إنك ادتنى الفرصة إنى أشتغل معاك بداية من أشغال شقة إلى برشامة. العملين دول اتعرضوا رسميًا على نص الوسط الفنى ولم يرغب نجم أو نجمة فى الاشتراك فيهما، ثم جاء هشام ماجد فتغيرت المعادلة تمامًا.
وأضاف:« هشام اسمه الحركى فى الوسط الفنى هو الألمانى، مش عشان شكله لأ، ده عشان التزامه.. التزامه بالمواعيد والجاهزية والاجتهاد بدأ من العمل على النص مرورًا بالتصوير وانتهاءً بالمونتاج.. ليه كل اللى بيشتغلوا معاه بينوروا؟، عشان هشام بيتعامل مع الأعمال الفنية بمنطلق كابتن فريق الكورة، يعنى المهم الفريق يكسب مش مهم مين يحط الجون، فبيعمل أسيست للكل عشان يجيبوا أجوان حلوة، فطبيعى أول ما لاعب يجيب جون يطلع يجرى عليه ويحضنه كأنه بيقوله: من غيرك عمرى ما كنت هاجيب جون بالحلاوة دي».
وتابع:« هشام يعنى القلب الأبيض والسلكان كله، هشام مش كوميديان محترف لأ، ده ممثل متكامل محترف، يعنى أوعدكم هتشوفوه فى أدوار جد جدًا هتكسر الدنيا، وأخيرًا مفيش حد اشتغل معاه إلا بيحبه جدًا وأنا أولهم.. هذا البوست لا يحمل ذرة مبالغة».
