شأت الديهي عن السوشيال ميديا: «اللى بيكتب بوست غلط لو دفع ربع مليون غرامة مش هتكرر تاني»

علق الإعلامى نشأت الديهى على الشائعات التى انتشرت مؤخرًا على مواقع التواصل الاجتماعى بشأن «الفراولة المسرطنة»، والتى نفتها وزارة الزراعة.

وقال الديهى، ببرنامجه «بالورقة والقلم» عبر قناة «Ten»، مساء الأحد، إن ما يحدث فوضى، موضحًا: «انتوا مش عارفين معنى الكلمة دى إيه؟! إن أى حد يطلع ويقول الفراخ أو البيض أو الفروالة مسرطنة أو البطاطس فيها عفن بنى أو حقل ظهر خلص، هى فوضى، لأ، مش كده، دى بلد، مينفعش، والقانون لازم ياخد مجراه مع الجميع».

وأضاف: «عايزين تخربوا بيوت الفلاحين، واسم بره، ولا مسرطنة ولا متنيلة، إحنا عندنا إنتاج غزير هذا العام، الفراولة المصرية الأفضل فى العالم بشهادة كل الناس، مينفعش أى حد يسمع أى حاجة يقولها».

وتابع: «انتبهوا السوشيال ميديا خراب مستعجل لو لم يحسن استغلالها. حد بيحاسب حد، حد بيحاسب الناس دى، الفوضى إنه مفيش صفعات للقانون على المخطئ، فى الدول العربية لو فى بوست زى ده، القانون مش هيرحم حد. حسبى الله ونعم الوكيل فى كل مقصر».

وأكمل: «لازم أراجع نفسى قبل ما اكتب بوست أو أشيره، عشان عارف لو غلط هخش السجن، هدفع فلوس، اللى بيعمل بوست غلط لو دفع ربع مليون غرامة والله مش هتكرر تانى. بلاش سجن، لأ، يدفع غرامة أقسم بالله مش هتكرر تانى، المسؤول عن هذا الأمر خايف من إيه؟ عايزين جرأة».