شوبير يهاجم رابطة الأندية بعد منح لقب رجل مباراة الزمالك وسموحة لزيزو وليس شيكابالا
سخر الإعلامي أحمد شوبير، حارس مرمى الأهلي ومنتخب مصر السابق، من رابطة الأندية المصرية المحترفة بعد منح لقب رجل مباراة الزمالك وسموحة لأحمد سيد زيزو وليس شيكابالا.
ونجح الزمالك في تحقيق فوز كبير على نظيره سموحة بنتيجة 5-1 في المباراة التي جمعت بين الفريقين أمس ضمن منافسات الجولة الرابعة من بطولة الدوري المصري الممتاز، وعقب نهاية المباراة تم منح لقب رجل المباراة لزيزو وسط غضب جماهير الأبيض التي نادت عبر السوشيال ميديا بأن الأحق بلقب أفضل لاعب في المباراة هو شيكابالا.
وقال أحمد شوبير: «من إمبارح فيه خناقة بين جماهير الزمالك إن شيكابالا رجل مباراة سموحة وليس زيزو وأما موافقهم تماما وشيكابالا رجل المباراة بلا منازع وقدم مباراة كبيرة وسجل هدف ربنا كافأه بيه على مجهوده».
وتابع أحمد شوبير: «السؤال اللي أنا بسأله الحقيقة لرابطة الأندية إنتوا بتختاروا رجل المباراة إزاي أوعوا تقولوا لي الله يخليكم إن عندكم لجنة واللجنة بتتصل بالتليفون وبعدين بتبعت على الواتساب وبتبعت إيميل وفيس بوك وبعدين بتحطه على إنستجرام وبعدين بتحطه على التوك توك، الله يخليكم بلاش تقولوا لي الفيلم ده، عشان الأفلام دي ما بتمشيش معايا».
وأضاف شوبير ساخرًا: «هل المراقب هو اللى بيختار أحسن لاعب هل اثنين أصحاب المراقب بيقولوا له عشان خاطري أديها للاعب ده أو أديها لده.. عشان النتيجة بتبقى باينة قبل ما المباراة بتنتهي وحاجة غريبة الصراحة».
