مطربة شهيرة تكشف تفاصيل زواج خطيبها من والدتها

كشفت المطربة إيناس عز الدين، عن سبب أزمتها مع والدتها، موضحة أن بداية الخلاف كان بزواج والدتها من خطيبها.

وقالت إيناس عز الدين، في تصريحات لبرنامج «قعدة ستات»، تقديم الإعلامية مروة صبري، المعروض على قناة «ألفا»: «دا حصل فعلا، وأنا عندي 18 سنة وعيلتي وجيراني كل الناس عارفة القصة بتفاصيلها،علاقتي بوالدتي اتقطعت لمدة سنة وبعدها رجعت تاني وحاولت أتخطى والتمس اعذار وعشت وكملت حياتي وربنا رزقني بجوزي».

وأضافت: «مش ندمانة أنها عملت كده بالعكس مبسوطة لأنها لو مكنتش عملت كده كان زماني مع بني آدم مختل لأنه اللي يسيب واحدة ويكون مع أمها، هو سابني وبعدها بـ4 شهور عرفت أنهم متجوزين من وقت ما هو سابني، هو جيه خطبني وحصل تواصل ما بينهم وسابني من هنا واتجوز أمي وأنا مكنتش اعرف، ولحد النهاردة معرفش التواصل دا حصل إزاي».

وتابعت:«هما اتجوزوا سنة، لما سألتها ليه عملت كده قالت لي فضلني عليكي،هو كان جواز يعتبر صالونات وكان عندي 18 سنة وكنت عايزة اهرب من ضغوط عايشة فيها وهي كانت سبب فيها، أنا بعد اللي حصل دا فقدت ثقتي في كل خلق الله بلا استثناء،أنا عشت طفولة قاسية بسبب ظروف أسرية، والدي توفى وأنا عندي 5 سنين جدتي والدة والدتي هي اللي أخدتني أنا وأختي وربتنا».