تطور جديد.. النيابة العامة تعرض «زوجة عرفية» للاعب شهير على الطب الشرعى فى اتهامها له بـ«سرقة مجوهراتها»

قررت النيابة العامة بالتجمع، عرض (إ.ح)، بكالوريوس زراعة ومقيمة بالإسكندرية، على مصلحة الطب الشرعى، وذلك على خلفية التحقيقات المستمرة فى اتهامها لزوجها كابتن (أ.د)، لاعب كرة قدم بنادٍ شهير، بسراى النيابة، بسرقة مصوغاتها الذهبية والألماس من داخل فيلته المستأجرة بأحد كمبوندات التجمع الخامس.

جاء قرار النيابة، الذى حصلت «المصرى اليوم» على نسخة منه، كالتالى: «ينتدب أحد الأطباء الشرعيين بمصلحة الطب الشرعى لإجراء الكشف الطبى الشرعى على الشاكية (إ.ح) لأخذ العينات اللازمة لاستخلاص البصمة الوراثية وبيان عما إذا كانت توجد آثار ولبيان عما إذا كانت ثيبًا أم بكرًا، وعما إذا كانت قد تعرضت لعلاقة، وفى حالة كون الشاكية ثيبًا بيان تاريخ فض غشاء بكارتها».

ووفق قرار النيابة: يرسل الحرز رقم 1 نيابة إلى مصلحة الطب الشرعى لفحص المناديل الورقية وبيان عما إذا كانت توجد به آثار دماء من عدمه وفى الحالة الأولى بيان عما إذا كانت تلك الدماء خاصة بالشاكية من عدمه وعما إذا كانت تلك الدماء خاصة بفض غشاء البكارة من عدمه، وبيان عما إذا كانت توجد آثار منى من عدمه وفى الحالة الأولى استخلاص البصمة الوراثية مع الاحتفاظ بها لحين توافر ركن المضاهاة".

تحقيقات النيابة العامة مع زوجة لاعب شهير

كانت الشاكية قد فجرت مفاجأة فى أقوالها أمام النيابة العامة، حيث أكدت أنها تعرفت على اللاعب من خلال مكتب تشغيل رتب لها العمل معه كمسؤولة تغذية مقيمة، إلا أن العلاقة تطورت بينهما حتى تزوجا «عرفيًا» من وراء زوجته الأولى بورقتين احتفظ بهما اللاعب، وشهد على عقد الزواج النجم الشهير (أ.ب) ووكيل أعمال زوجها المدعو (أ.س)، مشيرةً إلى أن المهر كان عبارة عن طقم ألماظ، فضلاً عن هدايا أخرى قدمها لها والد اللاعب عبارة عن مشغولات ذهبية احتفظت بها داخل غرفتها بالفيلا.

تفاصيل اتهام لاعب كرة قدم شهير بسرقة مجوهرات زوجته

واستطردت الشاكية فى التحقيقات، أنه بالتزامن مع حصول زوجها على عقد إعارة خارجى بالسويد، سافر برفقة أسرته إلى المغرب لتسوية أوضاعه، فتوجهت هى إلى الإسكندرية لوداع أهلها تاركةً مصوغاتها بالفيلا، وعقب عودتها لجمع متعلقاتها فوجئت باختفاء علبة المجوهرات، وبمهاتفة زوجها أقر بحيازتها قائلاً: «أنا أخدتها معايا وأنا مسافر ولما أشوفك هدهالك»، لافتةً إلى أنها سافرت إليهم بالمغرب لتتفاجأ بتغير طريقة تعامل اللاعب وزوجته الأولى ونشوب مشادة كلامية حادة تنصل فيها من طلب سفرها، مما دفعها للعودة إلى مصر والتقدم ببلاغ رسمى تتهمه فيه بالسرقة معقبةً: «أنا جاية النهاردة علشان اتهمه بسرقة المجوهرات بتاعتى ولكن أنا مازلت على ذمته».. وإلى نص أقوالها:

قرارات النيابة العامة بشأن عرض الزوجة العرفى على الطب الشرعى تصوير- محمد القماش

س: ما تفصيلات شكواكِ؟

ج: اللى حصل إنى اتعرفت على كابتن (أ.د)، لاعب كرة قدم فى 27/4/2024، وكان ساعتها بيلعب فى نادِ شهير، واتعرفنا عن طريق مكتب للتشغيل علشان هو كان محتاج حد للتغذية، وبالفعل رحت وعملتله نظام تغذية وكنت مقيمة معاه هو ومراته وعياله وبناته فى الفيلا بتاعته اللى هو مأجرها فى كمبوند شهير بالتجمع الخامس، وبعدين العلاقة تطورت ما بينا واتجوزنا.

وأضافت: «بس اتجوزنا من ورا مراته، وكان الجواز شاهد عليه اتنين بينهم لاعب شهير اسمه (أ.ب) و(أ.س) وكيل أعمال (أ.د)- اللى تجوزته، وجابلى ساعتها طقم ألماظ عبارة عن خاتم وانسيال وكوليه صغير كدا، واستمرت العلاقة الزوجية ما بيننا من 24/11/2025 حتى 16/3/2026 وكان فى الفترة ديه جابلى هدايا عبارة عن خاتم وسلسلة وحلق وأسورة ذهب وكنت شايله المجوهرات ديه فى علبة مجوهرات فى دولابى الخاص فى الفيلا بتاعة (أ)».

وتابعت قائلةً: «وبعدين فى 1/3/2026 (أ) جاله عقد إعارة وساعتها قعدت فى بيته لحد ما يظبط أموره 3 شهور، ويسفرنا كلنا أنا وأفراد أسرته، وقبل سفرنا روحت لأهلى فى الإسكندرية عشان أودعهم قبل ما أسافر له وكنت سايبة الذهب فى الفيلا اللى مقيمة فيها مع (أ.د)، ولما رجعت يوم 2/2/2026 لتلك الفيلا، عشان ألم حاجتى وأسافر مع مراته وعياله له خارج البلاد، فوجئت إن العلبة اللى فيها المجوهرات مش موجودة فكلمت (أ) سألته على الحاجة فقال لى أنا أخدتها معايا وأنا مسافر ولما أشوفك هدهالك، فقلتله خلاص تمام».

وواصلت بقولها: «وسافرت على المغرب أنا ومراته وعياله، وبعدين ابتدأ كلام (أ) معايا يتغير وطريقة مراته تتغير معايا لحد ما حصلت ما بينا مكالمة فى 2026/3/16 شدينا فى الكلام مع بعض وقال لى فيما معناه إن مش أنا اللى قولتلك تعالى وسافرى أنتِ اللى رجايه من نفسك، وأنا قولت لهم أنا هسافر وهرجع مصر وساعتها مراته قالت لى أنتى كده خسرتينا فلوس التذاكر، وأنا قلتلها إنى معنديش مشكلة إنى أدفع فلوس التذاكر، ورجعت على مصر ومن ساعتها مش عارفة أخد مجوهراتى اللى (أ) سرقها منى وأنا جاية النهاردة علشان اتهمه بسرقة المجوهرات بتاعتى ولكن أنا مازلت على ذمته».

س: ما بادرة مقابلتك مع المشكو فى حقه؟

ج: أنا اتعرفت على كابتن (أ.د) لاعب كرة القدم فى 2025/4/27 وكان ساعتها بيلعب فى نادى شهير واتعرفت عن طريق مكتب للتشغيل، علشان هو كان محتاج حد للتغذية وبالفعل رحت وعملتله نظام تغذية.

س: وما محل إقامتك آنذاك؟

ج: كنت مقيمة معاه هو ومراته وعياله وبناته فى الفيلا بتاعته اللى هو مأجرها اللى فى كمبوند شهير بالتجمع الخامس.

س: وكيف تطورت العلاقة بينكما؟

ج: العلاقة تطورت ما بينا واتجوزت أنا و(أ) عرفى.

س: ومتى تمت تلك الزيجة تحديدًا؟

ج: يوم 2025/11/24.

س: وهل معكِ ذلك العقد؟

ج: لا، الورقتين كانوا معاه، وكان الجواز شاهد عليه اثنين (أ.ب)، و(أ.س)، وكيل أعمال (أ.د) وهو أدانى ساعتها مهر.

س: وما المهر الذى أعطاه لكِ سالف الذكر؟

ج: طقم ألماظ خاتم وانسيال وكوليه صغير.

س: وهل من مصوغات أخرى خلاف ما ذكرتيه قام سالف الذكر بإعطائها لكِ؟

ج: أبوه هو جابلى خلال فترة الزواج هدايا عبارة عن خاتم وسلسلة وحلق وأسورة ذهب.

س: وبكم تقدرين تلك المصوغات؟

ج: مش عارفة سعرهم.

س: وملك من تلك المصوغات آنفة البيان؟

ج: هو (أ.د) ادهملى كمهر وهدايا فبقوا مملوكين ليا.

س: وهل توجد معكِ ثمة فواتير لتلك المصوغات؟

ج: لا.

س: وأين احتفظتِ بالمصوغات آنفة البيان؟

ج: ديه فى علبة مجوهرات فى دولابى الخاص فى الفيلا بتاعة (أ) فى أوضتى.

س: وكيف اكتشفتِ سرقة تلك المصوغات؟

ج: فى 2026/3/1 (أ.د) جاله عقد إعارة للسويد وساعتها قال لى هسافر مع مراته وعياله للمغرب فى بيته اللى هناك لحد ما يظبط أموره 3 شهور ويسفرنا أى بلد خارجية، ويوم 2026/3/1 أنا سافرت لأهلى إسكندرية عشان أودعهم، قبل ما أسافر وكنت سايبة الذهب فى الفيلا اللى مقيمة فيها مع (أ.د)، ولما رجعت يوم 2026/3/2 على الفيلا بعد ما (أ) سافر عشان ألم حاجتى وأسافر مع مراته وعياله على المغرب، فوجئت إن العلبة اللى فيها المجوهرات مش موجودة.

س: ومتى اكتشفتِ واقعة السرقة تحديدًا؟

ج: بتاريخ 2026/3/2.

س: وما التصرف الذى بدر منكِ آنذاك؟

ج: أنا كلمت (أ.د) سألته على الحاجة فقال لى أنا أخدتها معايا وأنا مسافر ولما أشوفك هدهالك، فقلتله خلاص تمام وسافرت على المغرب أنا ومراته وعياله وبعدين ابتدأ كلام (أ) معايا يتغير وطريقة مراته تتغير معايا.

س: ولمَ تواجدتِ برفقة زوجته وأبنائه بدولة المغرب كما ذكرتِ؟

ج: أنا كنت بساعد مراته فى الاعتناء بالأولاد لحد ما (أ) كان واعدنى إنه بعدها هيبعت يخلينا نروح نعيش فى بلد خليجية تانية، فكنت بساعد مراته وهى كانت صاحبتى وابتدانا نبقى عيلة.

س: وما نظير قيامك بتلك الأعمال؟

ج: كنت بقبض 30 ألف جنيه فى الشهر.

س: وما سبب تلك الخلافات التى ذكرتيها؟

ج: معرفش بالضبط بس طريقتهم اتغيرت معايا جامد.

س: وما أثر ذلك عليكِ؟

ج: حصلت ما بينا مكالمة فى 2026/3/16 شدينا فى الكلام مع بعض وقال لى فيما معناه إن مش أنا اللى قولتلك تعالى وسافرى أنتِ اللى رايحة من نفسك وبعدين أنا قلت لهم أنا هسافر وهرجع مصر.

س: وهل نشبت بينكما خلافات جراء قيامك بذلك؟

ج: مراته ساعتها قالت لى انتى كده خسرتينا فلوس التذاكر وأنا قلتلها انى معنديش مشكلة انى ادفع فلوس التذاكر وبعدين حجزتلى تذكرة ورجعت على مصر.