دينا الشربيني تتصدر تريند جوجل وتويتر بعد حلقتها في «ABtalks»

حلت دينا الشربيني ضيفة ببرنامج ABtalks، خاضت في كافة تفاصيل حياتها الشخصية منذ الطفولة وحتى هذه اللحظة، وأجابت على الكثير من الأسئلة المتعلقة بالوحدة والموت، الأصدقاء والأهل، الكذب والخيانة، لتقدم دينا الشربيني حلقة مكثفة وقوية تصدرت بها محركات البحث على منصة جوجل وتويتر

وجاوبت دينا الشربيني، على جميع الأسئلة بصدقٍ تام، وحكت عن طفولتها التي وصفتها بالسعيدة، وعن محاولاتها لدخول عالم التمثيل، وقالت "لازم الواحد يحاول ويجرب ويعرف.. أهلي مارضيوش يدخلوني معهد سينما، فأخدت كورسات تمثيل، دخلت إعلام واشتغلت مذيعة وعرفت الكاميرا وازاي ماخافش منها".

وعن مفهومها عن القوة، قالت "خد وقت لما تقع او تنكسر، لكن لازم تكون قوي وتعرف تقوم مرة تانية.. هو ده مفهوم القوة بالنسبة لي"، وعن الحب قالت "أنا بحب الحب، بحب الإحساس نفسه، وبشوفه إحساس جميل، لكن في النهاية ممكن يوجعك في الآخر"، كما أكدت أنها لا تشعر بالندم وصرّحت "مابحبش الندم.. ممكن اتعلم من اللي حصل ..عشان لو رجعت تاني لنفس الموقف ونفس الوقت هعمله تاني"، كما صرّحت أيضًأ أنها تكره الكذب والخيانة، وانهما شيئان لا يمكن ان تسامح فيهما.

وقالت دينا الشربيني أنها لا تحب الرد على الشائعات حيث صرّحت "أنا في حياتي بسيب اللي بيتكلم يتكلم، ومش بخرج أكدّب وأقول إن ده مش حقيقي.. مش عايزة اقعد اركز في كلام الناس، اسيب الناس اللي فارقالي اللي هم اهلي واصحابي" وعن أسعد لحظاتها قالت "وقوفي على المسرح كان من أحسن الحاجات اللي حستها في حياتي.. فرحة وأدرينالين خلاني اسأل أنا ليه ماجربتش مسرح قبل كده".

وأجابت دينا الشربيني عن أكثر ما تخاف منه وقالت "بخاف من الوحدة والموت"، كما أرسلت رسالة لأهلها "عايزة أقول لأهلي إن أنا بحبهم جدًا جدًا وهم أغلى حاجة في حياتي، ولازم نقول كده لكل اللي بنحبهم، عشان هييجي وقت هنتمنى لو ترجع نص ثانية نقضيها معاهم"، وعن كلماتها الأخيرة قالت "سامحوني وادعولي