ابنتا شريف منير ردًا على عتاب والدتهما: ليه تخلي شكلنا كده قدام الناس!

ردت كل من فريدة وكاميليا ابنتا الفنان شريف منير، على رسالة والدتهما التي وجهتها لهما، وأعربت خلالها عن حزنها بسبب تركهما لها وعدم تواجدهما بجانبها.

وعلقت فريدة ابنة شريف منير، على رسالة والدتها عبر بموقع انستجرام، قائلة: ليه بتعملي كده؟ ليه بتخلي شكلنا كده قدام الناس؟، لترد عليها والدتها لورا عماد قائلة: إنتوا بتموتوني كل يوم وأنتِ عارفة كده كويس، ربنا يهديكي صحيح الزن على الودان أمر من السحر.

فريدة شريف منير عبر انستجرام

أما عن كاميليا، فأنكرت ما قالته والدتها في رسالة العتاب، حيث علقت على الرسالة بموقع انستجرام قائلة: عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده، وردت عليها والدتها قائلة: أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم.

كاميليا شريف منير عبر انستجرام

زوجة شريف منير

وكانت لورا عماد، زوجة الفنان شريف منير، وجهت رسالة عتاب قاسية لـ ابنتيها فريدة وكاميليا، وكتبت عبر حسابها الشخصي بموقع تبادل الصور والفيديوهات قائلة: رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!.

وتابعت لورا عماد: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.