محمد عبدالعظيم يكشف عن مواقف إنسانية للراحل مصطفى درويش (فيديو)

كشف الفنان محمد عبدالعظيم عن مواقف إنسانية للفنان الراحل مصطفى درويش، مؤكدًا أنه كان يتصل به تليفونيًا لحل مشاكل وأزمات لناس وشخصيات لا يعرفهم.

وقال «عبدالعظيم»، في لقائه مع برنامج its showtime المذاع على قناة cbc: «خبر موت مصطفى كان مفجعا، فهو كان شخصا جدعا وخيرا وابن بلد حقيقي، أنا كنت بتصل بيه علشان ناس عندها مشاكل».وتابع: «وكان بيحل مشاكل لناس ميعرفهمش، ولما جالي كورونا في فترة كان هو الوحيد اللي بيسأل عليا ويكلمني، وكنت بصور في لبنان وقولتله متقولش لحد، وكان بيطلب إني أعمله أي شىء لبيتي، فهو كان ابن موت وشخص خير وجميل وابن بلد».وأردف: «في لوكشين مسلسل 100 وش مكناش طايقين بعض بحكم الشخصيتين، وإحنا بنقدم مشهد ما، إيده فلتت وجت في وشي، فجريت ومسكت وشي، فقعد يتأسف لي كثيرًا، وأنا بقوله خلاص إحنا كنا بنمثل، وإن دي غلطة وبتحصل عادي، وعلاقتنا توطدت بعد الموقف ده، وفي الفترة الأخيرة مكناش متواصلين بحكم انشغالنا، فهو دائم التواصل مع زملائه وتهنئتهم على أعمالهم، وكان دائمًا صاحب واجب».