مخرج حكاية لو بعد حين: ربط الجمهور لـ علاقة دينا وشيرين رضا بعمرو دياب ساعد في الترويج العمل

تحدث المخرج هشام الرشيدي، عن كواليس حكاية لو بعد حين، ضمن حكايات مسلسل حدث بالفعل، والتي يقوم ببطولتها الفنانة شيرين رضا والفنانة دينا الشربيني.

وقال هشام الرشيدي خلال تصريحات صحفيه كواليس حكاية لو بعد حين كانت حلوة ودينا وشيرين أصلا صحاب، ففكرة إنهم أول مرة يشتغلوا مع بعض دي هما كانوا حبينها، وده ظهر من بداية التحضير للحكاية والأجواء كانت حلوة جدا.

ولفت هشام الرشيدي إلى أن العمل مع تلك الفنانتين كان أمرًا سهلا، قائلًا: شيرين ودينا كل واحدة ممثلة شاطرة جدا وهما أستاذة، ومريحين جدا في التعامل وكانت كل الكواليس ضحك وهزار، ومعظم الوقت كانوا قاعدين في كرفانات بعض.

هشام الرشيدي: موضوع عمرو دياب ساهم جزئيًا في الترويج للحكاية

ورد هشام الرشيدي، على ربط الجمهور بين العلاقتين السابقتين للفنان عمرو دياب وكل من شيرين رضا ودينا الشربيني، وبين أول تعاون بينهما، قائلًا: طبعا في كومنتات بتتكلم على عمرو دياب وبتربط بين المواضيع الشخصية دي وقرأت ده مؤخرًا، والكومنتات دي مكنتش بتأثر عليهم، والكلام ده انتشر بعد ما تم إعلان تعاونهم مع بعض والناس بدأت تهزر، لكن هما مكنش في حاجة بالنسبالهم.

وأردف هشام الرشيدي، كاشفًا رأيه في فكرة الترويج للحكاية، بسبب ربطها بعمرو دياب:الناس بطبيعة الحال بتحب الحاجات اللي بتلفت النظر زي إن دينا الشربيني وشيرين رضا مع بعض في حكاية واحدة، فده طبعا بيبقى جزء منه ماركتينج بيلفت نظر الناس، الناس بتبقى عايزة تشوف الموضوع رايح فين وبيحكي عن إيه.

حكاية لو بعد حين

تعرض حاليا حكاية لو بعد حين عبر إحدى المنصات الإلكترونية، ويشارك في بطولتها كل من الفنانة شيرين رضا، دينا الشربيني، عابد عناني، لبنى ونس، بسنت حاتم، وغيرهم، والعمل من تأليف فادي النجار، وإخراج هشام الرشيدي.