عمرو أديب يعلّق على الدعوات لإغلاق نادي الزمالك قائلاً: “يا رب يتقفل على مزاجكم.”

انتقد الإعلامى عمرو أديب الدعوات التى يطلقها البعض للمطالبة بإغلاق نادى الزمالك، على خلفية الأزمة المالية الطاحنة التى يعانى منها النادى فى أعقاب سحب أرض 6 أكتوبر.

وقال أديب، خلال برنامجه «الحكاية »، عبر قناة «إم بى سى مصر»، مساء اليوم السبت، إن نادى الزمالك ليس شقة لكى يغلق، متابعًا:"إيه الفضيحة اللى إحنا فيها دي!».

وتابع: «إيه حوار اقفلوا النادى؟ يتقفل على صباعكوا يا رب، يتقفل على دراعكوا، عيب قلة الحيلة دى؟! إنت عندك حوالى 23 لعبة تانى فى نادى الزمالك، مش نادى كورة بس، مين المسؤول عن النغمة دى؟».

وأضاف: «الزمالك نادى دولة ومفيش حد فى العالم يطالب ناديه يتقفل... أندية كتير عندها مشاكل مالية ماعدا الأهلى، وده محتاج حلقة لوحده».

وختم أديب: «إنتو ليه ساكتين على حال الزمالك والخراب اللى هو فيه... الزمالك نادى الدولة ولابد من دعمه ومنحه فرصة».