”عيب اختاروا ألفاظكم”.. كريم فهمي يهاجم منتقدي مدرب الأهلي

هاجم الفنان كريم فهمي منتقدي المدير الفني للنادي الأهلي الجنوب افريقي بيتسو موسيماني، وذلك عبر حسابه الشخصي على موقع التدوينات القصيرة تويتر.

وكتب كريم فهمي عبر تويتر قائلا:"الناس اللي بتنتقد موسيماني دول نوع من النوعين ملهمش تالت يا الا أهلاوي غبي جدا، يا الا زملكاوي زكي جدا".

وأثار تعليق فهمي غضب عدد من متابعيه وتفاعلوا معه بالعديد من التعليقات منها:"الناس اللى مش بتنتقد مدرب لما بيبقى وحش دول لاما مبيفهموش فى الكورة ..لاما عاوزين يركبوا التريند..الناس أنتقدت جوزيه و حسن شحاته و الجوهرى لما كانوا بيعملوا ماتشات وحشة، انتقدوا زيدان و جوارديولا و فيرجسون و كلوب لما عملوا ماتشات وحشه..فعادى يعنى"

كما علق أحدهم قائلا:بعض من جمهور الاهلي بينتقد علشان شاف الأجيال اللى فاتت كانت بتلعب ازاى وشافوا طريقة تعامل المدربين مع جميع اللاعبين دون تمييز لاعب بعينه، أنما دلوقت شايفين العكس شايفين مدرب زيرو تغييرات زيرو تشكيل والفوز بيكون بفضل الله ودعوات الجماهير..وأنت لو أنتقدت حد تبقي غبي؟؟اختاروا الفاظكم".

وكتب له متابع آخر قائلا:"رغم قناعتي بموسيماني كمدرب لأنه بالفعل حقق نسبة كبيرة من البطولات اللي شارك فيها الأهلي.. إلا أن بنتقده في كثير من المباريات نظرا لاخطاءه الفنية.. مافيش حد فوق النقد وعيب جدا يا أستاذ كريم تصف المنتقدين بالغباء !!".

ومن التعليقات كذلك:"مافيش أهلاوي غبي جدا ده بيبقى عامل فيها أهلاوي عشان الأهلاوية يقعوا في بعض ويبقى فيه أنقسام حول المدرب مهما عمل.. الأهلاوي الحقيقي بينتقد الأخطاء بس مش بيهدم الكيان أو بينتصر لوجهة نظره بأي وسيلة..الانتقاد حق أصيل لأي حد ومافيش حد فوق النقد.. الفرق بينهم كبير يا فنان".

يشار إلى أن فريق الأهلي يلعب في التاسعة من مساء اليوم خارج الديار مع فريق وفاق سطيف الجزائري في إياب نصف نهائي دوري ابطال افريقيا، وكانت مباراة الذهاب أنتهت بنتيجة كبيرة للمارد الأحمر 4/0.