محمود سعد: لما تسمع أم كلثوم وفايزة الهم اللي عندك هيروح وهتتكلم كويس مع مراتك

عبر الإعلامي محمود سعد عن حبه الشديد لأغاني فايزة أحمد، مؤكدًا أنه يشعر بأن من يستمع لأغاني أم كلثوم وفايزة وفتحية أحمد روحك سترتفع وتتقبل مشاكل الحياة بشكل آخر.

وقال محمود سعد في لايف عبر صفحته الرسمية بموقع فيس بوك: لما بلاقي حد بيسمع فايزة ونجاة وأم كلثوم وفتحية أحمد، بحس قد إيه الناس دي ذواقة ده مش غنا ده دماغ وسلطنة.

وأضاف: الكلام حلو والمزيكا حلوة والغنا بإحساس رائع واللي بيمسع ده يبقى في منتهى التذوق، الأغاني دي بتغير لسانك ولذلك بدال ما أنت مهتم بمراتي حقها ترضع ولا لأ، بيتهيألي لو سمعت أغنية فكروني لأم كلثوم وصراحة لفايزة، روحك هترتقع وهتحس أنك بتتعامل مع الحياة بمنتهى الحياة الرفق والمودة وهتلاقي نفسك بتعامل ولادك كويس وبتتكلم مع مراتك كويس والهم اللي عندك زال بنسبة كبيرة، الغنا حاجة جميلة والاستماع للمزيكا حاجة جميلة.

كان محمود سعد أثار ضجة بحديثه عن والده الراحل، إذ صرح بأنه لم يتأثر بوفاة والده ولم يكن يرغب في إقامة عزاء له بسبب معاملته له التي وصفها بالقاسية، لافتًا إلى أنه لم يسأل عنه في طفولته ووالدته هي من كانت ترعاه.

وجاء ذلك في لايف عبر حسابه بموقع فيس بوك، أضاف فيه: يوم ما انتقل والدي إلى جوار الله، كنت بقول إني مش هزعل لأن بيني وبينه هجر وغدر، وجرح في قلب، بيني وبينه طريق وفراق وطريق هو اللي بدأه.