عمرو أديب يعلق على حريق بني سويف: «ده رزق شباب.. الأمر محتاج جبر خواطر وطبطبة» (فيديو)
علق الإعلامي عمرو أديب على الحريق الذي اندلع أمس الأحد بمعرض «شباب مصر» في منطقة شارع بني سويف.
وقال أديب خلال برنامجه «الحكاية»، عبر فضائية «MBC مصر»، مساء الاثنين: «أنا اشتغلت الشغلانة كتير، وفاهم الحاجة دي مش هيحلها غير واحد، والله لا رياء ولا مجاملة، أنا قليل لما بطلب من الريس حاجة، أنا بطلب من الرئيس عبدالفتاح السيسي إنه يشوف حل للناس دي».
وأضاف: «يا ما حاجات زي دي اتعملت، ويا ما نزل جهات حكومية وجهات من القوات المسلحة نزلت ترمم وتعيد البناء، أنا بتوجه للرئيس نيابة عن أهالي بني سويف اللي عندهم الـ75 محل».
وتابع: «الموضوع محتاج كلمة من الريس، الموضوع لو اتساب إننا نشوف المجلس المحلي ونخصص ميزانية إلى آخره… ده رزق شباب وبشر، الأمر محتاج جبر خواطر وطبطبة»
وناشد أديب الرئيس السيسي قائلًا: «لو سمحت ياريس الشباب محتاجة الغوث والستر والجبر، وهنا النهارده يجي دور الدولة، لو الريس يدي توجيهاته وتنزل جهة تشيل ده كله، الموضوع مدمر، وحرام، ومحتاج تدخل سريع، لأن دول عندهم ديون وجمعيات وأهالي وعيال، وكمان بناشد وزيرة التضامن ومحافظ بني سويف إنهم يشوفوا الناس دي»
