أروى جودة تعلن اعتناق خطيبها الإسلام

أكدت الفنانة أروى جودة، أن سبب تأخر حفل زفافها على خطيبها الذي يحمل الجنسية الإيطالية، هو تأخر بعض الإجراءات الخاصة باعتناقه الدين الإسلامي.

وأضافت أروى خلال لقائها مع منصة «بلينكس»: «كان نفسنا الفرح يبقى الشهر اللي فات بس الورق بياخد وقت، المهم إننا عملنا أهم خطوة رحنا الأزهر وهو اعتنق الإسلام».

وعن سبب ارتباطها بالرجال الأجانب، أوضحت أروى: «فكرة إني ممثلة ممكن تكون صعبة على عيلة الشخص، ممكن الناس تقعد تهزر معاه أو تقول له حاجات الراجل المصري ميستحملهاش مش عايزة حد يحسسني أنه بيعمل خدمة أنه يكون معايا».

وتابعت: «قولت له من الأول لو أنت عايز تبقى معايا الموضوع لازم يبقى جواز رسمي، وطالما هنتجوز يبقى لازم تعلن إسلامك، في الأول اتخطف وقعدنا أسبوع مبنتكلمش وأنا قلت اللي عندي».

وفي وقت سابق، كشفت الفنانة أروى جودة، عن بداية لقائها مع خطيبها الأجنبي، مشيرة إلى أن أول مقابلة بينهما كانت في باريس.