عندنا بيقلدوا الوحش.. فريدة سيف النصر تهاجم مسلسلات رمضان: «أحنا ها نخيب ولا أيه»

أعربت الفنانة فريدة سيف النصر عن استيائها الشديد من بعض المشاهد المعروضة فى دراما رمضان 2026، مشيرة إلى وجود ما وصفته بأخطاء درامية تتعلق بطريقة تقديم بعض العلاقات داخل الأحداث، مستنكره بعض الافكار والتفاصيل التى اعتبرتها غير مناسبة لطبيعة مجتمعنا المصرى والتى ظهرت فى مسلسل «وننسى اللى كان» بطولة ياسمين عبد العزيز ومسلسل «كان يا مكان» لـ ماجد الكدوانى، مؤكدة أن صناع الأعمال الدرامية يتحملون مسؤولية كبيرة فى ما يعرض عبر التلفزيون.

وقالت فريدة عبر «فيس بوك»: «لاحول ولاقوة الا بالله.. مش عايزه اتكلم بس ما قدرتش.. يا جماعه ما ينفعش اجيب مثلا أمن أو سواق مع بنتى يحافظ عليها والاقى الأمن داخل غراميات مع اللى بيحرسها وبنتها عند ابوها وسواقها بيزعق لها وغيران»

وأضافت: «يعنى بتفهموا اللى بيشتغلوا يعملوا ايه بالظبط، اه كلنا ولاد تسعه بس كده غلط احنا بنفتح عينين على حاجات تودى فى داهيه، نمشى الناس اللى جايبينهم ونجيب ستات ولا نهبب ايه ده كلام والمفروض البنت تصارح أهلها وماتسمحلوش يكلمها كده».

وتابعت: «هو المفروض جاى يبلغ ابوها بأى حاجة.. احنا ها نخيب ولا ايه.. طبعا الكلام ده تمثيل فى مسلسل أنا شخصيا بحبه وبحب نجمته جدا ومؤلفه وكلهم بس برضه مش كده احنا مش اجانب وانا كأم ولى حفيدتين ما ينفعش يلاقوا ده عادى علاقات وصداقه مع جارد أو سائق وغيره وحب وايه الكلام الفاضى ده».