زغلول صغير.. عمرو أديب يفجر مفاجأة حول القبض على صاحب تسريب الفيديوهات

قال الإعلامي عمرو أديب، تعليقا على القبض على مدير أسواق هايبر وان، إنه ليس له علاقة بعائلة الهواري، لكن لأنه مقرب من العائلة حصل على اللقب.

وأضاف عمرو أديب، خلال تقديمه برنامج "الحكاية"، المُذاع عبر فضائية "إم بي سي مصر": "تم القبض عليه علشان فيه فيديوهات اتسربت ليه فيها فساد.. أنا واقف عند حتة الفيديوهات بتاعته بتتكلم على شخص يدير منطقة 6 أكتوبر ويخلص أي قضة أو مشكلة هناك".

وتابع: "الفيديوهات بتاعته كانت نوع من أنواع التباهي، وأنه يكلم أي حد يقوله أعمل كدا يعمل"، مردفا: "وارد إن كلامه يكون مش صادق، وإنما يبدو أن الراجل كان نافذا ومنفذا".

وأردف: "أنا هكون حسن النية ونحن أمام أمرين أن الكلام دا هجص أو الكلام يكون حقيقي ويكون كدا مصيبة المصايب.. ولو فيه راجل حقيقي لازم يتجاب كل الفساد اللي وراه".

وتابع: "قضية ف. الهواري تافهة لكن الزغلول الكبير عايزين نعرفه، ولو الراجل دا الناس اللي بيكلمهم حقيقيين لازم الشبكة دي كلها تتجاب ودي هتكون أكبر قضية فساد في تاريخ البلد.. دا شكله زغلول صغير، طب الكبار شكلهم عامل إزاي".