«خنقتها بإيديا الاتنين عشان متصرخش».. تفاصيل اعترافات المتهم بقتل زوجته بـ كفر السنابسة في المنوفية (نص التحقيقات)

حصلت «اخبار مصر »، على نص اعترافات المتهمبقتل زوجته بقرية كفر السنابسة فى المنوفية، وبسؤاله عما دار فى عقله قبل الجريمة، أجاب أمام النيابة العامة: «كنت قاعد مكانى عمال أفكر أنتقم منها إزاى ودماغى عمالة تودى وتجيب.. جالى أفكار كتير فكرت فيها ومنها إنى أخلص منها»، موضحًا المخطط الذى وضعه لحياة شريكته: «فكرت إنى هروح آخد حقى منها وأنتقم منها على اللى بتعمله فيا.. قلت لو رفضت أنا هموتها».

نص اعترافات زوج قتل زوجته خنقًا فى المنوفية

وكشف المتهم فى أقواله بالمحضر رقم 15218 لسنة 2025 جنح مركز منوف، أن الجريمة سبقتها ساعات من «الغل» والتربص، قائلاً: «طول ما هى قاعدة كانت عمالة تشتم فيا وأنا قاعد بغل منها.. الألفاظ دى خلت جسمى يولع من جوايا وكنت عايز آخد حقى منها لأنى جبت آخري». وعند تنفيذ مخططه الإجرامى، وصف اللحظات الأخيرة للمجنى عليها «سامية ع» قائلاً: «قمت ناحيتها وأول لما شافتنى قامت واقفة.. رحت ناحيتها ورحت خنقها بإيدى الاثنين.. زنقها فى الحيطة وخنقتها لحد ما ماتت»، مؤكدًا تعمده شل حركتها ومنعها من الاستغاثة بقوله: «قفلت باب الشقة.. وهجمت عليها وخنقتها بإيدى الاثنين عشان متصرخش».. وإلى نص أقواله:

س: وما هى المسافة الفاصلة بينكما آنذاك؟

ج: هى كانت قدامى على طول ومكنش فيه بينا مسافة وقتها هى كانت فى الصالة قدامى كانت حوالى 2 متر.

س: وهل من ثمة حوار أو سجال دار فيما بينكما طوال تلك المدة الطويلة؟

ج: طول ما هى قاعدة كانت عمالة تشتم فيا وأنا قاعد بغل منها.

س: وهل ظللت بمكانك طوال تلك المدة الزمنية؟

ج: أيوه أنا متحركتش من مكانى.

س: وما الذى كانت تفعله المتوفاة طيلة تلك الفترة الزمنية؟

ج: هى كانت قاعدة قدامى فى الصالة عمالة تشتم فيا.

س: وما هى تلك الألفاظ التى تفوهت بها المتوفاة؟

ج: هى شتمتنى أنا وأهلى وكانت بتقولى (....).

س: وما هو أثر ذلك السباب على نفسك؟

ج: هى الألفاظ دى خلت جسمى يولع من جوايا وكنت عايز آخد حقى منها لأنى جبت آخرى.

س: أو لم يثر ذلك السباب حفيظتك قبل المجنى عليها؟

ج: أيوه خلانى قاعد بغل منها وبفكر أنتقم منها إزاى.

س: وهل كانت المتوفاة إلى رحمة مولاها معتادة على التعدى عليك لفظيًا؟

ج: أيوه بس المرة دى زودتها علشان غلطت فى أهلى.

س: وما الذى جال بتفكيرك طوال تلك المدة الزمنية التى قاربت السبع ساعات كما قررت؟

ج: أنا كنت قاعد مكانى عمال أفكر أنتقم منها إزاى ودماغى عمالة تودى وتجيب.

س: وما هى الأفكار التى راودتك عنها نفسك خلال تلك الفترة الزمنية الطويلة؟

ج: أنا جالى أفكار كتير فكرت فيها ومنها إنى أخلص منها.

س: وما الذى هداك إليه تفكيرك؟

ج: أنا فكرت إن أنا (طلب منها علاقة زوجية) ولو رفضت أنا كنت هروح آخد حقى منها وأنتقم منها على اللى بتعمله فيا.

س: وما هو ذلك الانتقام الذى خططت له؟

ج: أنا قلت لو رفضت أنا هموتها.

س: وهل فكرت باحتمالية رفضها لما انتهى إليه تفكيرك؟

ج: أيوه ولو رفضت هموتها.

س: وهل طلبت منها معاشرتها؟

ج: أيوه بس رفضت.

س: وما الذى فعلته إذًا؟

ج: أنا مكنش قدامى حل غير إنى أموتها.

س: وكيف خططت لذلك؟

ج: أنا قلت أخنقها وأريح نفسى.

س: وهل هممت بتنفيذ ذلك؟

ج: أيوه.

س: وكيف بدأت بتنفيذ خطتك الإجرامية؟

ج: أنا قمت ناحيتها وأول لما شافتنى قامت واقفة قمت رايح ناحيتها ورحت خنقها بإيديا الاتنين.

س: ومن خطا منكما باتجاه الآخر؟

ج: أنا اللى رحت ناحيتها ولما قربت منه قامت وقفت فرحت زنقها فى الحيطة وخنقتها بإيديا الاتنين لحد ما ماتت.

س: وهل فكرت باحتمالية قيام المجنى عليها بالصراخ والاستغاثة حال عزمك على قتلها؟

ج: أيوه.

س: وما الذى أعددته لذلك؟

ج: أنا قلت أروح عليها مرة واحدة وأخلص عليها.

س: وهل أوصدت باب الشقة حال تحركك من أمامه؟

ج: أيوه أنا قفلت باب الشقة.

س: وهل صاحت المجنى عليها حال قيامك ببدء تنفيذ جريمتك؟

ج: لا لأنى هجمت عليها وخنقتها بإيدى الاثنين عشان متصرخش.

س: وما الذى منعها من ذلك؟

ج: لأنى هجمت عليها وخنقتها بإيديا الاتنين.