رنا سماحة تعلن انتهاء الخلاف مع زوجها
أعلنت الفنانة المصرية رنا سماحة انتهاء الخلاف مع زوجها الملحن سامر أبو طالب، بعد أسابيع من تصدرهما "التريند" بسبب أخبار انفصالهما.
ونشرت "سماحة" عبر "انستجرام" فيديو لها مع زوجها خلال حفل اكتشافهما نوع المولود، وأعادت نشر رسالة زوجها التي قال فيها:" أولًا الحمد لله، ثانيًا هقول الكلمتين الجايين دول لـ(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائمًا وأبدًا.. نيجى بقى لـ(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدًا، بحبك يا رنا وبحبك يا مالك.. شكرًا للناس اللى كانوا بيكتبولى كلمة حلوة عشان عاوزين يشوفونا تانى مع بعض".
وردت رنا على رسالة زوجها، وكتبت :" الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا أي حاجة وحشة.. عيشنا فترة صعبة والحمدلله أنها عدت، مفيش بنا أسف يا أبو مالك بس عارف لو عملت كده تاني.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب أمين.. بحبك يا جوزي".
يذكر أن رنا سماحة خرجت فى بيان مؤخرًا تؤكد فيه عدم انفصالها رسميًا، وأن الأخبار التى نشرت عن انفصالها عن زوجها رسميًا هو شيء عارٍ تمامًا من الصحة ولم تصرح بأي شيء حول هذا الموضوع، مؤكدة أنها لا تزال زوجة الملحن سامر أبو طالب حتى هذه اللحظة، ولا صحة لأي شائعات يتم تداولها.
انقر هنا للمشاهدة
