عمرو أديب: الشعب المصري ينظر بتفاؤل مشوب بحذر للحكومة الجديدة

علق الإعلامي عمرو أديب على أداء الحكومة الجديدة برئاسة الدكتور مصطفى مدبولي اليمين الدستورية، مشيرًا إلى أن الشعب المصري ينظر إلى الحكومة الجديدة بتفاؤل مشوب بحذر. جاء ذلك خلال برنامجه «الحكاية» المذاع على قناة «إم بي سي مصر» يوم الجمعة.

تفاؤل وحذر

أوضح أديب أن تفاؤل الشعب المصري مصحوب بالحذر ليس أمرًا غريبًا، قائلاً: «هذا أمر طبيعي، لأن الفترة اللي فاتت كان فيها مشاكل كثيرة». وأكد أن الشعب المصري شعب حمول ويميل إلى مساندة الحكومة الجديدة، مضيفًا: «الشعب المصري شعب حمول، ويساند الحكومة الجديدة.. اللي هو يلا بقى، يلا إحنا تعبنا، عايزين نشوف حاجة، تحسن في الخدمات والصحة والكهرباء والأسعار».

تأثير الحكومة الجديدة

تناول أديب تأثير الحكومة الجديدة على حياة المصريين، مشددًا على أن التغيير لن يكون فوريًا. قال: «متقدرش تقول إن بكره هيبقى في تغير، ولا الأسبوع اللي جاي، على الأقل عشان تشوف تغيير وتشوف آثار هذه الوزارة، محتاج نستنى شهر أو شهرين».

تحديات أمام الوزراء الجدد

وأشار أديب إلى أن معرفة الوزراء الجدد بأوضاع وزاراتهم يتطلب وقتًا. تابع: «مش حد يقولك الوزير ده مشي وده جه بكره، فخلاص بقت أحسن، والأخبار اللي نازلة إن الوزير من أول يوم دخل على الموظفين، الدولة المصرية العميقة مفيهاش الهزار ده، الوزير على ما يعرف وزارته مش سهلة، ومحتاجة وقت، ده في وزراء مشيوا ملحقوش يعرفوا الوزارة بتاعتهم فيها إيه».