30 فكرة أكل لشهر كامل.. وداعًا لحيرة «هناكل إيه النهاردة؟»

هل تتذكري آخر مرة جلستِ مع نفسك في المطبخ تسألي السؤال الأزلي: «هناكل إيه النهاردة؟»
ده السؤال اللي بيطارد معظم الأمهات والزوجات يوميًا، وغالبًا بييجي الرد الكلاسيكي: «أي حاجة!».. والنتيجة بتكون إننا نعيد نفس الوصفات أو نلجأ لحل سريع مش دايمًا صحي أو اقتصادي.

علشان كده، بنقدملك في أخبار مصر خطة كاملة فيها 30 فكرة أكل لشهر كامل، تخلّصك من الحيرة اليومية وتضمنلك تنوع في السفرة بين الأكل المصري الأصيل والوجبات السريعة المحبوبة. كمان كلها وصفات اقتصادية ومناسبة لكل أفراد العيلة.

فوائد التخطيط المسبق للأكل

التخطيط للأكل مش بس بيقلل الحيرة، لكن كمان:

• بيساعدك تتحكمي في الميزانية.
• بيخلي البيت دايمًا فيه تنوع ومافيش تكرار ممل.
• بيخليك توازني بين الأكل البيتي الصحي والوصفات اللي بتحبها العيلة.

دلوقتي.. يلا نبدأ جدول أكل لشهر كامل

الأسبوع الأول: وصفات مصرية أصلية

اليوم الأول: ملوخية مع أرز أبيض وفراخ مشوية.. طبق مصري أصيل يديكي إحساس بالدفء.

اليوم الثاني: كفتة في الفرن مع بطاطس محمرة، وجنبه سلطة طحينة.

اليوم الثالث: عدس أصفر بالبيض وعيش بلدي، وجبة اقتصادية ومليانة بروتين.

اليوم الرابع: مكرونة بشاميل باللحمة المفرومة + سلطة خيار باللبن.

اليوم الخامس: صينية بطاطس باللحمة مع أرز أبيض.

اليوم السادس: سمك مشوي مع أرز صيادية + سلطة باذنجان.

اليوم السابع: يوم شعبي.. فول، طعمية، بطاطس، جبنة بيضا ومخلل.

الأسبوع الثاني: تغيير ومذاق مختلف

اليوم الثامن: مسقعة باللحمة المفرومة مع عيش بلدي.

اليوم التاسع: ورق عنب (محشي) مع فراخ مشوية.. يستحق العناء.

اليوم العاشر: بطاطس محشية باللحمة + أرز باللبن كتحلية.

اليوم الحادي عشر: شوربة خضار + بانيه + مكرونة بالصلصة.

اليوم الثاني عشر: صينية كوسة باللحمة + أرز أبيض.

اليوم الثالث عشر: بيتزا بيتي بحشوات متاحة (تونة، جبنة، زيتون).

اليوم الرابع عشر: فاصوليا بيضا باللحمة + أرز بالشعرية.

الأسبوع الثالث: أكلات دسمة ومشبعة

اليوم الخامس عشر: عجة في الفرن أو بيض بالبسطرمة + سلطة.

اليوم السادس عشر: مكرونة نجرسكو بالفراخ.

اليوم السابع عشر: محشي مشكّل (كرنب وكوسة وباذنجان) + لحمة أو فراخ.

اليوم الثامن عشر: شوربة عدس + بطاطس محمرة + بيض.

اليوم التاسع عشر: طاجن لسان عصفور باللحمة.

اليوم العشرون: كبسة بالفراخ أو اللحمة.. نكهة خليجية بطابع مصري.

اليوم الحادي والعشرون: ملوخية + أرز + أجنحة فراخ مشوحة.

الأسبوع الرابع: سريع وموفر

اليوم الثاني والعشرون: مكرونة بالصلصة + كبدة إسكندراني.

اليوم الثالث والعشرون: بسلة بالجزر واللحمة + أرز أبيض.

اليوم الرابع والعشرون: شاورما فراخ بيتي + بطاطس محمرة.

اليوم الخامس والعشرون: بامية باللحمة + أرز بالشعرية.

اليوم السادس والعشرون: برجر بيتي (لحم أو فراخ) + بطاطس.

اليوم السابع والعشرون: سبانخ بالصلصة + بيض أو لحمة مفرومة.

اليوم الثامن والعشرون: جلاش باللحمة المفرومة + سلطة.

اليوم التاسع والعشرون: مكرونة بالسجق أو بالكبدة.

اليوم الثلاثون: كشري حلة واحدة أو أرز بالخضار.

مع جدول الأكل الشهري ده، مش هتسمعي تاني السؤال المرهق «هناكل إيه النهاردة؟»

النهاردة تقدري تجهزي قائمة مشتريات أسبوعية، وتوفري وقت ومجهود وفلوس، وفي نفس الوقت تقدمي سفرة متنوعة مليانة أكل بيتي ووصفات اقتصادية وصحية.

لو عايزة حياتك في المطبخ أسهل، جربي الخطة دي وشاركينا تجربتك، وأكيد أفراد عيلتك هيستمتعوا بالتنوع ومش هيزهقوا من التكرار.