«زيزو السبب».. سر موافقة الزمالك على بيع حسام عبد المجيد (تفاصيل)

كشف الإعلامى أحمد شوبير السر وراء موافقة نادى الزمالك سريعا على بيع مدافعه الدولى حسام عبدالمجيد خلال فترة الانتقالات الصيفية الجارية.

وقال أحمد شوبير فى تصريحات إذاعية اليوم الأحد إن نادي الزمالك أعلن عن بيع حسام عبد المجيد بصورة رسمية، وقال فى بيانه أمس «أعلن مجلس إدارة نادى الزمالك برئاسة حسين لبيب وبالتنسيق مع جون إدوارد الموافقة على رحيل حسام عبد المجيد إلى نادى لودوجوريتس البلغارى خلال فترة الانتقالات الصيفية الحالية».

وعلق شوبير موجهًا رسالة للبعض: «إذن هنا مجلس إدارة الزمالك بيقر وبيعترف أنه لا يستطيع اتخاذ قرار فى كرة القدم دون الرجوع إلى جون إدوارد والتنسيق معه عشان البعض بيزعل منى وبيقول لى هو أنت لازم تحشره فى كل حاجة».وتابع: «السؤال هنا ليه الزمالك وافق على حسام عبدالمجيد والقصة ما دخلتش خناقة لسببين رئيسين، أولهام إن حسام فاض له سنة فلو مسبتوش السنة دى هيمشى السنة اللى جاية ببلاش، البعض هيقول لى بس الزمالك عنده مشكلة فى الفلوس وأزمة قيد ما هو ماشى ماشى ودلوقتى هييجى لك فلوس السنة اللى جاية مش هتجيلك»

وأوضح: «وكمان ممكن يتكرر موقف زيزو كان قدامك تبيعه بـ 10 ملايين دولار وخوفا من الجمهور مردتش تبيعه ساعتها ورجع راح الأهلى ببلاش، فاللى اتلسع من الشوربة ينفخ فى الزبادي»

وأضاف شوبير: «السبب الثانى إن الزمالك عايز يخلص الفلوس إللى عليه، ومن يومين أنهى أزمة مستحقات الأجانب وده دلوقتى مبلغ كويس داخل لهمن بيع حسام عبدالمجيد، فمن خلاله ينهى بعض مستحقات اللاعبين».